Achanak

Koi Chaaon Ho

Koi chaaon ho

Jisay chaaon kehnay mein

Dopeher ka gumaan na ho

Koi shaam ho

Jisay shaam kehnay mein shab ka koi nishaan na ho

Koi vasl ho

Jisay vasl kehnay mein hijr rut ka dhuaan na ho

Koi lafz ho

Jisay likhnay parhnay ki chaah mein

Kabhi aik lamha garaa.n na ho

Yeh kahaan hua hai keh hum tumhain

Kabhi apnay dil se pukaarnay ki sa'ii karain

Vohee.n aarzu be-amaa.n na rahay

Vohee.n mausam-e-gham-e-jaa.n na ho

~ Unknown