Tu Jo Kab Se Hai

Tu jo kab se hai dil mein jaagzee.n

Meri dharkanon ka hisaab kar

Tu jo kab se betha hai aankh mein

Koi raushni mera khaab ker

Bari be-amaa.n hai zindagi

Isay bun keh koi panaah milay

Koi chaand rakh meri shaam per

Meri shab ko mehka gulaab ker

Koi bad-gumaan sa vaqt hai

Koi bad-mizaaj si dhoop hai

Kisi saaya-daar se lafz ko

Meray jaltay dil ka hijaab ker

~Unknown

Bheer Dekhi To

Bheer dekhi to khayaal aaya hamain

Jaanay kab bicchray huay log milain

Jee mein aaya abhi tujh se kahain

Eid ka chaand mubarak ho tumhain

Hum bhi khaamosh hamain darr hai yahi

Lab khulain ge to pukaarain ge tumhain

Tum se bicchray huay barson beetay

Tum se kehna hai yahi aaj hamain

Maangna bhool na jaana hum ko

Chaand ko dekh kar gar haath uthain!

~Parveen Shakir

Happy New Year

Dear readers,

I wish you a wonderfully happy new year. May this year bring you all that your heart desires, all that you need, things that you know you need and those that you don't yet know. May you be cured of all illnesses, bodily or otherwise, and may you be happy, healthy and content with yourself, your life, and everything that means something to you.

I started working near the end of November, which is why I'm not here as often as I want to be. The last post is a poem that I think captures my life these days. Just wanted to put this out there, so that whenever you're praying and for some reason you think about me, just ask God to give me wisdom.

Take care.

Main Apni Aankhon Ke

Main apni aankhon ke khaab likkhoon, saraab likkhoon

Ya zindagi ka vo baab likkhoon

Vo baab jis mein haqeeqatain hon, sadaqatain hon

Vo baab jis mein vo khaab meray

Saraab ban ke bikhar gaye hon

Vo khaab main ne

Na jaanay kitni riyazaton se saja rakkhay thay

Main zindagi ki uljhanon mein

Kuch is tarah se ulajh gaya hoon

Keh lamha lamha vajood mera sulag raha hai

Main apni jaanib nazar utha ke jo dekhta hoon

To sochta hoon

Yeh ajnabi koi aur ho ga, yeh main nahin hoon

~ Unknown

Kaheen Tum Apni Qismat

Kaheen tum apni qismat ka likha tabdeel ker lete

To shayed hum bhi apna raasta tabdeel ker lete

Agar hum waqayee kam hausla hotay mohabbat mein

Marz barhnay se pehlay he dava tabdeel ker lete

Tumhaaray saath chalnay per jo dil raazi nahin hota

Bohot pehlay he hum apna faisla tabdeel ker lete

Tumhain in mausamon ki kiya khabar milti agar hum bhi

Ghutan ke khauf se aab-o-hava tabdeel ker lete

Tumhari tarah jeenay ka hunar aata to phir shayed

Makaan apna vohi rakhtay, pata tabdeel kar lete

~Unknown

Explanation

Hi guys,

Long time no see eh -- well, on my part. I've just been busy with work lately, so couldn't even get myself to update the blog. Anyway, I hope you guys enjoy the poem I'm going to post next.

Take care,

~a

Tanhaayee ka Dukh

Sher

Us ne aanchal se nikaali meri gum gushta beyaaz

Aur chupke se mohabbat ka varaq mor diya

Hum ko maaloom tha anjaam-e-mohabbat, hum ne

Aakhri harf se pehle he qalam tor diya

Bebasi!

Ok peoples, this is serious!

Now how the hell do I change fonts and colours here? And yes, I know the most basic route... but IT'S NOT WORKING! The changes I'm making in font sizes and colours aren't staying.

What do I do?

Aandhi Chali to Naqsh-e-kaf-e-paa Nahin Mila

Sheeshoo.n ka Maseeha

Moti ho keh sheesha, jaam keh durr
Jo toot gaya, so toot gaya
Kab ashko.n say jurr sakta hai
Jo toot gaya, so choot gaya

Tum naahaq tukray chun chun kar
Daman mei.n chupaaye baithay ho
Sheesho.n ka maseeha koi nahin
Kiya aas lagaaye baithay ho

Shaayed keh inhi.n tukro.n mai.n kahi.n
Vo saaghir-e-dil hai jis mei.n kabhi
Sad naaz say utra karti thi
Sehbaay-e-gham-e-jaanaa.n ki pari

Phir duniya vaalo.n nay tum say
Yeh saaghar lay kar phorr diya
Jo maiy thi, baha di mitti mei.n
Mehma.n ka shehpar tor diya

Yeh rangeen rezay hai.n shayad
Un shokh bilori.n sapno.n kay
Tum mast jawani mai.n jin say
Khalwat ko sajya kartay thay

Nadari, daftar bhook aur gham
In sapno.n say takratey rahey
Be reham tha chomukh pathrao
Yeh kaanch kay dhanchay kiya kartay

Ya shayad in zarro.n mai.n kahi.n
Moti hai tumhari izzat ka
Voh jis say tumharay ijz par
Shamshad qadro.n nay raksh kiya

Is mal ki dhun mai.n phirtay thay
Tajir bhi buhat, rehzun bhi kai
Hai chor nagar, yaa.n muflis ki
Gar jan bachi tou aan gai

Yeh saghar sheeshay laal-o-guhr
Salim hoo to qeemat patay hai.n
Yu.n tukray tukray hoo to faqt
Chubtay hai.n, lahoo rulwatay hai.n

Tum nahaq tukray chun chun kar
Daman mai.n chupaye baithay ho
Sheesho.n ka maseeha koi nahi
Kia aas lagaye baithay ho

Yadoo.n kay garebano.n kay rafo
Par dil ki guzr kab hoti hai
Ik bakhia udhaira, aik siya
Yu.n umr basr kab hoti hai

Is kar geh hasti mai.n jaha.n
Yeh saghar sheeshay dhaltay hai.n
Har shay ka badal mil sakta hai
Sub daman pur ho saktay hai.n

Jo hath barhay yawar hai yeha.n
Jo aankh uthay, wo bakhtawar
Ya.n dhan dolat ka ant nahi
Ho.n ghat mai.n lakh daku magar

Kab loot jhapat say hasti ki
Dukanai.n khali hoti hai.n

Ya.n parbat parbat heeray hai.n
Ya.n sagar sagar moti hai.n

Kuch log hai.n jo is daulat par
Parday lutkaye phirtay hai.n
Har parbat ko, har sagar ko
Neelam charhaye phirtay hai.n

Kuch wo bhi hai.n jo lar bhar kar
Yeh parday noch giratay hai.n
Hasti ki uthai geero.n ki
Har chal uljhaye jatey hai.n

In dono.n mai.n run parta hai
Nit basti basti, nagar nagar
Har basti ghar kay seenay mai.n
Har chalti rah kay mathay par

Yeh kalak bhartay phirtay hai.n
Voh jot lagatay phirtay hai.n
Yeh aag lagatay phirtay hai.n
Voh aag bujhatay phirtay hai.n

Sab saghar sheeshy, laal-o-guhr
Is bazi mai.n bid jatay hai.n
Utho sab khali hatho.n
Us ran say bulawey atay hai.n

~ Faiz Ahmed Faiz

Mohabbat Ho Bhi Sakti Thi

Jo kuch din saath reh letay

Jo kuch din baat ho jaati

Manaanay, rooth jaanay ka agar yeh silsila rehta

To phir jaanaa.n

Mohabbat ho bhi sakti thee

~ Faakhra Batool

Tajaahil-e-Aarifaana

Johri ko kiya maaloom kis tarah ki mitti mein kesay phool hotay hain

Kis tarah ke phoolon mein

Kesi baas hoti hai

Johri ko kiya maaloom

Johri to saari umr pattharon mein rehta hai

Zar-garon mein rehta hai

Johri ko kiya maaloom

Yeh to bus vohi jaanay

Jis ne apni mitti se

Apna aik ik paimaa.n

Istevaar rakkha ho

Jis ne harf-e-paimaa.n ka etebaar rakkha ho

Johri ko kiya maaloom kis tarah ki mitti mein kesay phool hotay hain

Kis tarah ke phoolon mein

Kesi baas hoti hai

~ Iftikhar Arif

johri = one who deals with precious stones; jeweller

baas = smell

zar-gar = someone who deals with wealth and financial matters/money related issues

paimaa.n = promise; word

istevaar = continued; kept; maintained

etebaar = trust (but in this poem, it's taken to mean "honour" [verb])

Vohi Iztiraab-e-Firaaq

Vohi iztiraab-e-firaaq hai, vohi ishtiyaaq-e-visaal hai

Teri justuju mein jo haal tha, tujhay paa ke bhi vohi haal hai

iztiraab = extreme restlessness

firaaq = separation

ishtiyaaq = eagerness

visaal = union

justuju = desire

Na maal-e-zeest ki fikr hai, na tabaahiyon ka kheyaal hai

Mujhay sirf is ka malaal hai, keh tumhain bhi mera malaal hai

maal = money (or anything that has value)

zeest = life

tabaahiyon = disasters

malaal = sorrow

Teri aarzu ka he faiz hai, teri yaad he ka kamaal hai

Kabhi mujh ko tera kheyaal tha, magar aaj apna kheyaal hai

faiz = benefit

kamaal = miracle

Nahin koi rahnuma to kiya, hai khilaaf saari fiza to kiya

Mujhay fikr-e-sood-o-ziyaa.n ho kiyoon, teri yaad shaamil-e-haal hai

rahnuma = leader

sood = interest; benefit

ziyaa.n = loss

Mera haal aaj zuboo.n hai kiyoon, mera dard aaj fuzoo.n hai kiyoon

Mere meherbaa.n mere chaaragar, teri aabru ka savaal hai

zuboo.n = bad condition; lowest of lows

fuzoo.n = visible, bright

chaaragar = friend; he who listens

aabru = respect; reputation

~ Qabil Ajmeeri

Dropping By

Hey guys,

I was just gonna post the entry for today, but I felt I owed you guys an explanation for the long leave. I'm perfectly fine, and thankfully so is my laptop. I was just not into the groove of things lately.

Fall is usually hard on me, and so is early winter...I think this is a very depressing time of the year. And then since my mom's death anniversary is coming up too, I'm just not my usual self. From the 16th of Ramadan (since that's the lunar date of her death) till the 11th of November (the Gregorian date), I relive her death and the days leading up to it again and again, whether I want to or not.

Anyway, I'll try my best to get back to being regular here. I hope you continue to give my collection a read.

Take care,

A