Jahaan Kashti Ruki Meri

Jahaan kashti ruki meri kinaara aur tha koi
Jisay main dost samjha tha sitaara aur tha koi

Falak ki balcony mein Khuda khaamosh betha tha
To kiya in girnay vaalon ka sahaara aur tha koi

Bujhi aankhon ke daaman mein jami thi dhool barson ki
Voh chehra ab jo dekha hai dobaara, aur tha koi

Bohot aadil sahi munsif, magar insaaf kesay ho?
Gavaahi aur hai, qaatil hamaara, aur tha koi

Hava ki simt dekhi aur kashti daal di hum ne
Khula aa ker samandar mein ishaara aur tha koi

Fiza mehki chaman jaaga, achaanak khil uthay taaray
Kisi ke muskuraatay he nazaara aur tha koi

Vohi maanoos lehja tha, vohi aavaaz thi Amjad
Magar jo murr ke dekha to pukaara aur tha koi

~ Amjad Islam Amjad

Aankhon Ka Rang

Aankhon ka rang baat ka lehja badal gaya
Vo shakhs aik shaam mein kitna badal gaya

Koi bhi cheez apni jagah per nahin rahi
Jaatay he aik shakhs ke kiya kiya badal gaya

Hairat se saaray lafz usay dekhtay rahay
Baaton mein apni baat ko kesa badal gaya

Kehnay ko aik sehen mein deewaar he bani
Ghar ki fiza makaan ka naqsha badal gaya

Shayed wafa ke khel se ukta gaya tha vo
Manzil ke paas aa ke jo rasta badal gaya

Aankhon mein jitnay ashk thay jugnu se ban gaye
Vo muskuraaya aur miri duniya badal gaya

~ Amjad Islam Amjad

Kabhi Main Yaad Aaoon

Kabhi Main Yaad Aaon To
Kabhi Tanhai Ki Raatein
Tumhein Zyada Sataein To
Kabhi Titli Na Boley To
Kabhi Jugnoo Laut Jayein To
Kabhi Jab Dil Bhi Bhar Jaaye To
Koi Jab Sun Na Paaye To
Agar Sab Dost Saathi Bhi
Jo Tum Sy Rooth Jayein To
Kabhi Jab Khud Sy Lad Lad Kar
Thakan Sy Choor Ho Jao To
Kabhi Chahty Bhi Huey Akeley
Ro Na Pao To
Apni Aankhon Ko Band Karna
Mujhy Aawaz Dena
Aur...
Phir Mere Tasawur Se
Jo Chaho Keh Dena
Mere Kaandhy Pe Sar Rakh Kar
Tum Jitna Chaho Ro Lena
Phir Jab Khud Mein Laut Jao To
Issi Dunya Mein Chaley Jana
Magar Bass Itna Kehna Hai
K Jab Bhi Dukh Ya Khushiyon Mein
Humein Dil Sy Pukaro Ge
Humein Saath Pao Ge
Humein Paas Pao Ge

Nazar Mila Na Sakay

Nazar mila na sakay us se us nigaah ke baad
Wohi hai haal hamara jo ho gunaah ke baad

Main kesay aur kis simt morrta khud ko
Kisi ki chaah na thi dil mein teri chaah ke baad

Zameer kaamp to jaata hai aap kuch bhi kahain
Vo ho gunaah se pehlay keh ho gunaah ke baad

Gavaah chaah rahay thay vo begunaahi ka
Zabaan se keh na saka kuch Khudagavah ke baad

Khatoot kar diye vaapas magar meri neendain
Unhain bhi chor do ik rehem ki nigaah ke baad

~Krishan Bihari Noor

Main Ik Chota Baccha

Umr Jalvon Mein Basar Ho

Umr jalvon mein basar ho yeh zaroori to nahin
Her shab-e-gham ki seher ho yeh zaroori to nahin

Chashm-e-saaqi se piyo ya lab-e-saagar se piyo
Bekhudi aathon peher ho yeh zaroori to nahin

Neend to dard ke bistar pe bhi aa sakti hai
Un ki aaghosh mein sar ho yeh zaroori to nahin

Shaikh karta to hai masjid mein Khuda ko sajday
Us ke sajdon mein asar ho yeh zaroori to nahin

Sab ki nazron mein ho saaqi yeh zaroori hai magar
Sab pe saaqi ki nazar ho yeh zaroori to nahin

~Khamosh Dehlvi

Ghar Yaad Aata Hai Mujhe

Kisi Ki Rabba Maa.n Na Maray

Sher

Tujhe kia khabar teri yaad ne mujhe kaisay kaisay sata diya

Kabhi tanhaai main hansa diya kabhi mehfilon mein rula diya

Kabhi yoon hua teri yaad mein meri har namaaz qaza hui

Kabhi yoon hua teri yaad ne mujhe mere rabb se mila diya

Dhoondo Ge Agar Mulkon Mulkon

Teri Khushbu Ka

Teri khushbu ka pata karti hai

Mujh pe ehsaan hava karti hai

Shab ki tanhaai mein ab to aksar

Guftugu tujh se raha karti hai

Dil ko us raah pe chalna he nahin

Jo mujhe tujh se juda karti hai

Zindagi meri thi lekin ab to

Teray kehnay mein raha karti hai

Us ne dekha he nahin varna ye aankh

Dil ka ehvaal kaha karti hai

Shaam partay he kisi shakhs ki yaad

Koocha-e-jaa.n mein sada karti hai

Dukh hua karta hai kuch aur bayaa.n

Baat kuch aur hua karti hai

Abr barsay to inaayat us ki

Shaakh to sirf dua karti hai

Masla jab bhi utha chiraaghon ka

Faisla sirf hava karti hai

~Parveen Shakir

Jisay Aks Aks

Jisay aks aks ganva diya

Kabhi rubaru thi meray liye

Jisay naqsh naqsh mita diya

Kabhi chaar su thi meray liye

Jo had-e-hava se bhi door hai

Kabhi ku-ba-ku thi meray liye

Jo tapish hai mauj-e-saraab ki

Kabhi aabju thi meray liye

Jisay 'aap' likhta hoon khat mein ab

Kabhi sirf 'tu' thi meray liye

~Mohsin Naqvi

Achanak

Koi Chaaon Ho

Koi chaaon ho

Jisay chaaon kehnay mein

Dopeher ka gumaan na ho

Koi shaam ho

Jisay shaam kehnay mein shab ka koi nishaan na ho

Koi vasl ho

Jisay vasl kehnay mein hijr rut ka dhuaan na ho

Koi lafz ho

Jisay likhnay parhnay ki chaah mein

Kabhi aik lamha garaa.n na ho

Yeh kahaan hua hai keh hum tumhain

Kabhi apnay dil se pukaarnay ki sa'ii karain

Vohee.n aarzu be-amaa.n na rahay

Vohee.n mausam-e-gham-e-jaa.n na ho

~ Unknown

Mohabbat Ka Sitara