Abhi Kuch Din Lagain Ge

Abhi kuch din lagain ge
Dil aisay sheher ke paamaal ho jaanay ka manzar bhoolnay mein
Abhi kuch din lagain ge
Jahaan-e-rang ke saaray khas-o-khaashaak
Sab sarv-o-sanobar bhoolnay mein
Abhi kuch din lagain ge
Thakay haaray huay khaabon ke saahil per
Kaheen ummeed ka chota sa ik ghar
Bantay bantay reh gaya hai...
Woh ik ghar bhoolnay mein,
Abhi kuch din lagain ge

Magar ab din he kitnay reh gaye hain
Bus ik din dil ki lauh-e-muntazir per
Achaanak
Raat utray gee
Meri benoor aankhon ke khazaanay mein chupay
Her khaab ki takmeel kar de gee
Mujhay bhi khaab mein tabdeel kar de gee
Ik aisa khaab jis ka dekhna mumkin nahin tha
Ik aisa khaab jis ke daaman-e-sadd chaak mein koi mubarak
Koi raushan din nahin tha
Abhi kuch din lagain ge...

~Iftikhar Arif

paamaal = to sully
khas-o-khaashaak = tinka, mitti ; earth's most invaluable things
sarv-o-sanobar = kinds of trees (sarv AND sanobar)
lauh = tablet, something that you write on
daaman-e-sadd chaak = aisa daaman jis mein 100 (sadd) chaak (cut) lagay hon, keh denay vaala bhalay daaman bhar de, sab neechay gir jaaye aur jholi mein kuch na rahay

(It'll be a while... to forget the sullification of a city such as the heart's, to forget all the big and small things of the desired world (of the world that I wanted to have, that I thought of having). Somewhere near the shore of all dead and lost dreams, hope tried to make a small house... it'll be a while to forget that house. But how much time is left now anyway? One night, all of a sudden, all my unfulfilled dreams will be realized, but then I'll become a dream (meaning I would be gone - maybe as in dead). An undreamable dream. A dream that didn't get anything... though its actualization was tried, it wasn't meant to become real. It just wasn't meant to get even a moment of blessings and light (of hope))

Hasrat

Najaanay kab se hasrat hai
Kabhi bhoolay se he keh do
'Mujhay tum se mohabbat hai'

ﮔﻴﺎ ﺳﺎﻝ

ﮔﻴﺎ ﺳﺎﻝ ﻛﻴﺎ ﺗﮭﺎ
ﺑﺮﺍ ﺗﮭﺎ ﻛﮫ ﺍﭼﮭﺎ ﺗﮭﺎ
ﺍﺏ ﻛﻴﺎ ﺑﺘﺎﺋﻴﮟ
ﻛﮫ ﺍﭘﻨﯽ ﺗﻮ ﮬﮯ ﻳﮫ ﺭﻭﺍﻳﺖ
ﻛﮫ ﻣﺮﺣﻮﻡ ﻛ١
ﺟﺐ ﻛﺒﮭﯽ ﻧﺎﻡ ﻟﻮ
ﻭﻩ ﺟﻮ ﻛﭽﮫ ﺑﮭﯽﮬﻮ
ﺍﺱ ﻛﻮ ﺍﭼﮭﺎ ﻛﮩﻮ
ﺍﻭﺭ ﺑﺲ ﺍﭼﮭﺎ ﻛﮩﻮ

~ ﻓﺎﺭﻍ ﺑﺨﺎﺭﯼ

ﺧﻮﺍﺏ - ﺑﺴﻴﺮﺍ

ﺍﺱ ﻭﻗﺖ ﺗﻮ ﻳﻮﮞ ﻟﮕﺘﺎ ﮬﮯ ﺍﺏ ﻛﭽﮫ ﺑﮭﯽ ﻧﮩﻴﮟ ﮬﮯ

ﻣﮩﺘﺎﺏ ﻧﻪ ﺳﻮﺭﺝ ﻧﻪ ﺍﻧﺪﮬﻴﺮﺍ ﻧﻪ ﺳﻮﻳﺮﺍ
ﺁﻧﻜﮭﻮﮞ ﻛﮯ ﺩﺭﻳﭽﮯ ﻣﻴﮟ ﻛﺴﯽ ﺣﺴﻦ ﻛﯽ ﺟﮭﻠﻜﻦ
ﺍﻭﺭ ﺩﻝ ﻛﯽ ﭘﻨﺎﮨﻮﮞ ﻣﻴﮟ ﻛﺴﯽ ﺩﺭﺩ ﻛ١ ﮈﻳﺮﺍ
ﻣﻤﻜﻦ ﮬﮯ ﻛﻮﺋﯽ ﻭﮬﻢ ﮬﻮ ﻣﻤﻜﻦ ﮬﮯ ﺳﻨﺎ ﮬﻮ
ﮔﻠﻴﻮﮞ ﻣﻴﮟ ﻛﺴﯽ ﭼﺎﭖ ﻛ١ ﺁﺧﺮﯼ ﭘﮭﻴﺮﺍ
ﺷﺎﺧﻮﮞ ﻣﻴﮟ ﺧﻴﺎﻟﻮﮞ ﻛﮯ ﮔﮭﻨﮯ ﭘﻴﮍ ﻛﯽ ﺷﺎﻳﺪ
ﺍﺏ ﺍ ﻛﮯ ﻛﺮﮮ ﮔﺎ ﻧﺎ ﻛﻮﺋﯽ ﺧﻮﺍﺏ ﺑﺴﻴﺮﺍ
ﺍﻙ ﺑﻴﺮ ﻧﮫ ﺍﻙ ﻣﮩﺮ ﻧﮫ ﺍﻙ ﺭﺑﻂ ﻧﮫ ﺭﺷﺘﻪ
ﺗﻴﺮﺍ ﻛﻮﺋﯽ ﺍﭘﻨﺎ ﻧﮫ ﭘﺮﺍﻳﺎ ﻛﻮﺋﯽ ﻣﻴﺮﺍ
ﻣﺎﻧﺎ ﻛﮫ ﻳﮫ ﺳﻨﺴﺎﻥ ﮔﮭﮍﯼ ﺳﺨﺖ ﺑﮍﯼ ﮬﮯ
ﻟﻴﻜﻦ ﻣﻴﺮﮮ ﺩﻝ ﻳﮫ ﺗﻮ ﻓﻘﻂ ﺍﻳﻚ ﮔﮭﮍﯼ ﮬﮯ
ﮨﻤﺖ ﻛﺮﻭ ﺟﻴﻨﮯ ﻛﻮ ﺍﺑﮭﯽ ﻋﻤﺮ ﭘﮍﯼ ﮬﮯ

~ ﻓﻴﺾ ﺍﺣﻤﺪ ﻓﻴﺾ

Jin Ko Na Milna Ho

Jin ko na milna ho
Vo kiyoon jeevan rustay mein aatay hain
Dil ko tarpaatay hain
Aankhon mein bus jaatay hain
Jin ko na milna ho
Vo kiyoon jeevan mein
Pal pal yaad aatay hain
Rooh mein utartay hain
Tasavvur mein poochtay hain
Hum yaad aatay hain?
Haa.n
Tum yaad aatay ho

~Unknown

Lamakaa.n Mein Ghar Banaaya Yaar Ne

This is aarifana kalaam in which poet presents a complaint to his Lord.

Hum ko yaa.n dar dar phiraaya yaar ne
Lamakaa.n mein ghar banaaya yaar ne
lamakaa.n = a place with no end, infinity

(He made a house beyond the universe and made me wander all over the place in its search... in his search)

Aap apnay dekhnay ke vaastay
Hum ko aaina banaaya yaar ne

(He wanted to see himself in me. He wanted to mold me into his personality, so he shaped me to be just like him)

Apnay ik adna tamaashay ke liye
Hum ko sooli per charhaaya yaar ne
adna = haqeer, negligible

(He tortured me just for the sake of his amusement. The poet is expressing some pain and grief here, that he was put through misery just to keep observers busy... just so they'll have something to look at)

Aap chup ke hum ko kar ke rubaru
Khoob he rusva karaaya yaar ne
rubaru = to present
rusva = embarass

(We were partners in crime, but when time came to take the blame, he hid himself and presented me to the world to face the shame)

Aap to but ban ke ki jalwa-giri
Aur hamain kaafir banaaya yaar ne
jalwa-giri = showing

(He decided to expose himself through statues, which will be worshiped. But when I came to worship said statues, I was labeled as a disbeliever)

Sirr-e-shaan-e-beneyaazi khul gayee
Jis taraf rukh ko phiraaya yaar ne
sirr = secret, raaz
beneyaazi = indifference
rukh = side (as in that of a picture)

(He was so beautiful, so perfect that he didn't need to care for anything. He was all he needed, which was why he was indifferent to the world. The fact of his perfection was revealed through each and every move and turn he made. No matter what characteristic of his he'd present to the world, it was the epitome of perfection)

~Niyaaz Barelvi

Aik Aarzu

Duniya ki mehfilon se ukta gaya hoon ya Rabb
Kiya lutf anjuman ka jab dil he bujh gaya ho
ukta = tired, worn out, sick of
lutf = pleasure
anjuman = gathering

(O Lord, I'm tired of this worldly life, these routines, these daily chores. What is the point of having people around when the heart is worn out?)

Shorish se bhaagta hoon dil dhoondta hai mera
Aisa sakoot jis per taqdeer bhi fida ho
shorish = noise
sakoot = calm, peace

(I run away from noise, in search of peace and quiet. Since fate has destined this nuisance , this chaos for me, if I found the calm that my heart needs, even fate wouldn't be able to, be cruel enough, to take such marvelous peace away from me)

Marta hoon khaamshi per yeh aarzu hai meri
Daaman mein koh ke ik chota sa jhompra ho
koh = hill, mountain
jhompra = hut

(I'm a die hard fan of silence. I wish to have a hut at the bottom of a hill)

Aazaad fikr se hoon uzlat mein din guzaaroon
Duniya ke gham ka dil se kaanta nikal gaya ho
uzlat = poverty (but the word isn't taken in its literal form here. It's simply employed to borrow the idea of freedom from worries that accompany riches, wealth, fame, and so on)

(I want to be free from the responsibilities that inevitably come with a worldly life. I don't want to have these concerns pinching me anymore)

Lazzat sarod ki ho chiriyon ki chehchahon mein
Chashmay ki shorishon mein baaja sa baj raha ho
sarod = a musical instrument, kind of like 'sitaar'
chehchahon = chirping or birds

(A place where when the birds chirp, it gives the illusion of sarod playing in the background; a place where even the stream's running water would sound like a musical instrument. [Since music brings peace and calm to the soul])

Ho haath ka sarhaana sabzay ka ho bichona
Sharmaaye jis se jalvat khilvat mein vo ada ho
bichona = spread (noun)
jalvat = present, seeable
khilvat = absent, unseeable

(Nothing too fancy. A place where I'd use my arm as a pillow, the earth's green as my bed spread... a place which is so private that exposing it out in the open would embarass the world [because the world is deprived of such beauty])

Maanoos is qadar ho soorat se meri bulbul
Nannhay se dil mein us ke khatka na kuch mera ho
maanoos = familiar
khatka = fear

(I want the surroundings to be familiar of me. I want the birds to be so used to my presence that if I were to approach them, they won't fly away)

Ho dil-fareb aisa kohsaar ka nazaara
Paani bhi mauj ban kar uth uth ke dekhta ho
dil-fareb = exquisite
mauj = leher, waves, tide

(I want the view of the hiltop to be so breathtakingly beautiful that the lake's water would want to jump up and see it)

Aaghosh mein zamee.n ki soya hua ho sabza
Phir phir ke jhaariyon mein paani chamak raha ho
aaghosh = lap

(I want greenery and dew everywhere)

Mehndi lagaaye sooraj jab shaam ki dulhan ko
Surkhi liye sunehri her phool ki qaba ho
qaba = outfit

(When the sun would set, I'd want its departing rays to make all the flowers appear golden)

Pichlay peher ki koel vo subha ki muazzin
Main us ka hamnava hoon vo meri hamnava ho
muazzin = he who calls to prayers
hamnava = sing-along partner

(At dawn, when the birds wake up to pray, I want to be accompanying them in their praise and admiration of God and nature)

Phoolon ko aaye shabnam jis dam wuzu karaanay
Rona mera wuzu ho naala meri dua ho
naala = malady, fariyaad

(When dew would fall to ablute flowers, I want my tears to be my cleansing agents. Since tears come when the heart is in pain or it realizes its fault and is guilty, the poet is expressing the wish to be remorseful at that hour, at dawn, so he can start his day fresh - a new beginning. He also wants his malady to be his prayer, so he can convey it to God and let God put him at ease)

Is khaamshi mein jaayen itnay buland naalay
Taaron ke qaaflay ko meri sada dara ho
dara = audible

(I want my inner maladies to be so loud, to be so strongly audible that even stars, which are so far away, be able to hear it. [Making sure it gets out of the system])

Her dardmand *dil ko rona mera rula de
Behosh jo paray hain shayed unhain jaga de

(I want my tragedies to touch every heart and I want my cries to wake up those who are oblivious to my pain. [Asking for the ear of those who hold solutions to people's problems, but chose to remain ignorant about the issues]).

~Allama Mohammad Iqbal

*Correction: In the first misra of the last sher in the Urdu version, it should read: 'Her dardmand dil ko rona mera rula de'

Chalo Tum Ko Bataatay Hain

Chalo tum ko bataatay hain
Keh tum ko dekh ker dil ne
Kaha tum rishta-e-jaa.n se bhi barh kar ho
Dua ki sarhadon pe
Jo adhoori hai, meri aisi tamanna ho
Meray dil ka muqaddar ho
Keh tum aik raushni ban ker, shifa le ker
Kabhi dast-e-maseeha ki tarah
Utray huay, her zakhm-e-dil per ho
Saraay-e-deher mein, andesha-e-zindegaani mein
Tum he dil ka sahaara ho
Jo rooh ke aasmaa.n pe jagmagaya hai muhabbat se
Suhaani shaam ki chaahaton ka pehla taara ho
Wafa ka isti'aara ho
Tumhaaray qurb ki khushbu se patthar ki tarah hum ne
Sulagti dhoop mein phelaao paaya hai
Tumhaaray piyaar ke rangee.n kanval thandi hava se
Sarsaraatay hain
Hum saavan mein bheegay peron ko chu lain to
Tumhaaray lams ki khushbu ke lamhay jagmagaatay hain
Chalo tum ko bataatay hain
Keh hum ne zindagi ke sab varq le ker
Sab he satron mein likh li hai
Tamanna tum ko paanay ki
Zamaanay bhar mein shaayed kaatib-e-taqdeer ke haathon
Meray dil ne likh li hai, tumhaari chah ka khahish
Tumhaari aarzuon ka jo ik idraak hai mujh mein
Kisi mein ho nahin sakta
Tumhaari muskurahat ka, ik armaan hai mujh mein
Kisi mein ho nahin sakta
Chalo tum ko bataatay hain
Chalo tum ko bataatay hain

~Unknown

adhoori = incomplete
shifa = cure, remedy
dast-e-maseeha = touch of a healer
saraay-e-deher = rest stop in the middle of nowhere
andesha-e-zindegaani = doubts of/in life
isti'aara = sign
sulagti = burning
phelaao = spread (noun; referring to shade here though)
sarsaraatay = whistling (due to wind - the air of love!)
lams = touch
varq = sheet (like that of paper, steel; something you can write on)
satron = lines (like that on papers... and then you write on them... those lines)
kaatib = writer
idraak = manifestation, knowledge, awareness

(Let me tell you
that upon seeing you
the heart declared you to be more worthy than life.
Like an unfulfilled desire, stuck at the boundary of acceptance and non-acceptance...
you're that desire for me (since I'm doubtful if I'll ever have you).
But you're my heart's destiny..
you descended like light, bringing cure for this broken heart, healed my wounds,
you bring stability in the midst of doubts and uncertainties.
You're the first star on the dark sky of my soul.. (you bring hope).
When you're near me, I feel like I've found shade in penetrating heat,
that your love has blossomed flowers (shade (coolness) and flowers symbolizing spring --> season of love)
When I touch rained trees, they remind me of you...
I've taken all pages of life, and on each line I've written the desire to have you.
My heart is destined to wish for you - it's its fate
I know how much I want you, and no one else can ever want you as much.
I know how much I want to see you smile, and no one can ever wish for it that much.
so let me tell you, so let me tell you).

Ash'aar

Aik muddat se miri maa.n nahin soyee Taabish
Main ne ik baar kaha tha, mujhay darr lagta hai
----------

Dasht-e-junoo.n mein un ko pukaara kahaan kahaan
Aye dost teray saath, jo lamhay guzar gaye
----------

Yeh bhi theek hai vo chala gaya mujhay band raastay pe chor ke
Vo juda bhi kesay hua keh main koi rasm bhi na nibha saka
Na main paas us ko bula saka na main dil ki baat suna saka
Vo hansi hansi mein he chal diya keh main haath tak na hila saka
----------

Umr kitni manzilain tay kar chuki
Dil jahaan thehra tha thehra reh gaya
----------

Meri kashti ko kinara kiyoonker milta
Is ke patvaar khoye huay muddat guzar gayee
Vo jo zaamin tha mujhay manzil tak le jaanay ka
Us rehber ko soye huay muddat guzar gayee
----------

Unhi raaston ne jin pe kabhi tum thay saath meray
Mujhay rok rok poocha, tera hamsafar kahaan hai
----------

Yaad kar ke aur bhi takleef hoti thee Adeem
Bhool jaanay ke siva ab koi bhi chaara na tha
----------

Hum bhool sakay hain na tujhay bhool sakain ge
Tu yaad rahay ga hamain haan yaad rahay ga
----------

Tujhay bhool jaanay ki koshishain kabhi kaamiyaab na ho sakeen
Teri yaad shaakh-e-gulaab hai, jo hava chali to lachak gayee
----------

Aankh mein aansu jaray thay per sada tujh ko na dee
Is tavaqqo per ke shayed tu palat ke dekhta
----------

Meray Humdum Meray Dost

meri humdum, meri dost, Sabeen ke liye...

Gar mujhay is ka yaqee.n ho
Meray humdum, meray dost
Gar mujhay is ka yaqee.n ho
Keh teray dil ki thakan
Teri aankhon ki udaasi, teray seenay ki jalan
Meri diljoyee, meray piyaar se mit jaaye gee
Gar mera harf-e-tasalli
Vo dava ho, jis se
Jee uthay phir tera ujra hua be noor dimaagh
Teri peshaani se dhul jaayen ye tazleel ke daagh
Teri beemaar javaani ko shifa mil jaaye..

Gar mujhay is ka yaqee.n ho
Meray humdum, meray dost
Roz-o-shab, shaam-o-seher
Main tujhay behlaata rahoon
Main tujhay geet sunaata rahoon
Halkay, sheeree.n..
Aabshaaron ke, bahaaron ke, chaman zaaron ke geet,
Aamad-e-subh ke, mehtaab ke, saiyyaaron ke geet,
Tujh se main husn-o-mohabbat ki hikaayaat kahoon,
Kesay maghroor haseenaaon ke barfaab se jism
Garm haathon ki haraarat mein pighal jaatay hain
Kesay aik chehray ke thehray huay maanoos nuqoosh
Dekhtay dekhtay yaklakht badal jaatay hain
Kis tarah aariz-e-mehboob ka shaffaaf biloar
Yak-bayak baada-e-ehmar se dehek jaata hai
Kesay gul-chee.n ke liye jhukti hai khud shaakh-e-gulaab
Kis tarah raat ka aivaan mehek jaata hai

Yoonhi gaata rahoon, gaata rahoon teri khaatir
Geet bunta rahoon, betha rahoon teri khaatir
Per meray geet teray dukh ka madaava he nahin
Naghma jarra nahin, moonis-o-ghamkhaar sahi
Geet nishtar to nahin, marham-e-aazaar sahi
Teray aazaar ka chaara nahin, nishtar ke siva
Aur yeh saffaak maseeha meray qabzay mein nahin
Is jahaa.n ke kisi zee-rooh ke qabzay mein nahin
Haan magar teray siva, teray siva, teray siva

~Faiz Ahmed Faiz

Peshaani = forehead
Tazleel = insult, embarassment
Chaman zaaron = gardens
Mehtaab = moon
Saiyyara = planet (plural = saiyyaaron)
Hikayat = wisdom (plural = hikaayaat)
Barfaab = ice-cold water
Haraarat = heat, temperature
Maanoos = familiar
Nuqoosh = plural of naqsh = mark
Yaklakht = all of a sudden
Aariz = cheek
Shaffaaf = crystal clear
Biloar = glass (meaning very pure, very clear)
Yak-bayak = all of a sudden
Baada-e-ehmer = red wine
Dehek = ignition (from 'ignite')
Gul chee.n = a prince from the 'Gul bakaaoli' series; he was so beautiful that even roses would bend down in his way... to be noticed by him
Aivaan = big wide castle, large area/space
Bunta = to synthesize
Madaava = compensation
Jarra = a surgical instrument
Moonis = someone who cares (root word = uns)
Aazaar = sorrows
Nishtar = sharp surgical object; regarded as a healing tool, though it's painful
Saffaak = cruel
Zee-rooh = he who has a soul --> all humans

(My dearest friend, if I could take away your pain, if I could somehow reduce your sorrows, I'd do anything to that end..... but I won't succeed. The solution to your sadness is in your hands, and only you can help yourself)

Uljhan

Mujhay khauf hai
Woh nibaah ke kisi marhalay pe,
Yeh aa ke keh de keh ab nahin...
Meray dil ko teri talab nahin...

nibaah = ongoing unsaid binding agreement that carries relationships forward
marhala = any significant point or stage in the course of relationships
talab = desire

~Noshi Gilani

Maa.n

Aaj ik aur baras beet geya us ke bagher
Jis ke hotay huay hotay thay zamaanay meray

Khaahish-e-NaTamaam

Is se pehlay keh
Dasht-e-imkaa.n mein
Vasl-e-jaa.n ki arzoo na rahay
Is se pehlay keh baar-e-gham se kaheen
Tujh ko paanay ki justuju na rahay
Is se pehlay keh dasht-e-khaahish mein
Farsh-e-afsurdgi bichay sar-e-raah
Laut aao keh muntazir hai nigaah
Is se pehlay keh lauh-e-qismat per
Baab-e-ulfat tamaam ho jaaye
Is se pehlay keh shaam ho jaaye

*dasht-e-imkaa.n = desert of possibilities
*vasl = milan, milaap
*baar = weight; bojh
*justuju = talaash; trying to achieve/get something
*dasht-e-khaahish = desert of wishes/desires
*farsh-e-afsurdgi = udaasi ka bichona; land of sadness
*sar-e-rah = in the beginning of a pathway
*muntazir = waiting
*lauh = tablet; dis cheez pe taqdeer likhi jaati hai (by God)
*baab-e-ulfat = door of love

(Lest my barren land of hopes gives up your desire..
before the burden of my sadness renders me incapable of wishing [you],
before my life becomes a picture of sorrow.....
come back
my eyes are searching for you,
come back before time runs out for my fate to be written
and love closes its door upon me,
come back before the sun sets [and it gets too late])

~Unknown

Justuju Khoye Huon Ki Umr Bhar Kartay Rahay

Justuju khoye huon ki umr bhar kartay rahay
Chaand ke hamraah hum her shab safar kartay rahay
justuju = effort to achieve

(Poet is saying that she kept trying to get those people she had lost, all her life. In doing so, she continued to travel with the moon all night long. It's a known fact that the moon travels around the globe)

Raaston ka ilm tha hum ko na simton ki khabar
Sheher-e-namaaloom ki chaahat magar kartay rahay
simt = direction (i.e. north, south, east, west)

(She didn't know which way to go, or which direction to walk in, to get an unknown place where her heart wanted to be)

Hum ne khud se bhi chupaya aur saaray sheher se
Teray jaanay ki khabar deevaar-o-darr kartay rahay
darr = door; darvaza

(She tried to hide the fact that someone close to her had departed, but the city realized the absence of one of its inhabitants -- meaning the fact couldn't be hidden for long)

Vo na aaye ga hamain maaloom tha us shaam bhi
Intezaar us ka magar kuch soch ker kartay rahay

(She knew he wouldn't come that day either, but something kept her waiting for him anyway)

Aaj aaya hai hamain bhi un uraanon ka kheyaal
Jin ko teray zom mein be-baal-o-par kartay rahay
uraan = parvaaz; high flight
zom = maan; trust and pride in someone (usually a beloved)
be-baal-o-par = without wings and the proper required equipment required for flying (metaphor for birds)

(She's now recalling the highs she felt when she was with her beloved. The time when she was able to fly to cloud nine just because she was with someone who made her touch the skies.. -- love is a strong feeling!)

~Parveen Shakir

Na Shikayatain Na Gila Karay

Na shikayatain na gila karay
Koi aisa shakhs hua karay
Jo meray liye he saja karay
Mujh he se baatain kiya karay

Kabhi roye jaaye vo bepanaah
Kabhi betahasha udaas ho
Kabhi chupke chupke dabay qadam
Meray peechay aa ker hansa karay

Meri qurbatain meri chahatain
Koi yaad rakkhay qadam qadam
Main taveel safar mein hoon agar
Meri vaapsi ki dua karay

~Amjad Islam Amjad