Kuch aisay ghaao bhi hotay hain
Jinhain zakhmi aap nahin dhotay
Bin roye huay aansoo ki tarah
Seenay main chupa ke rakhtay hain
Aur saari umr nahin rotay
Neendain bhi muhaiiyya hoti hain
Sapnay bhi door nahin hotay
Kiyoon phir bhi jaagtay rehtay hain
Kiyoon saari raat nahin sotay
Ab kis se kahain aye jaan-e-vafa
Ye ahl-e-vafa kis aag main jaltay rehtay hain
Kiyoon bujh ker raakh nahin hotay
~Amjad Islam Amjad
No comments:
Post a Comment