Hamaaray darmiyaa.n koi aisa rishta nahin tha
Teray shaanon pe koi chat nahin thee
Meray zimmay koi aangan nahin tha
Koi vaada teri zanjeer-e-paa bannay nahin paaya
Kisi iqraar ne meri kalaayee ko nahin thaama
Havaa-e-dasht ki maanind
Tu aazaad tha
Raastay teri marzi ke taabe' thay
Mujhay bhi apni tanhaayee pe
Dekha jaaye to
Poora tasarruf tha
Magar aaj jab tu ne
Raasta badla
To kuch aisa laga mujh ko
Keh jesay tu ne mujh se bevafaayee ki
~Parveen Shakir
No comments:
Post a Comment