Her Zeenay Per

Her zeenay per her manzil per
Her pair talay her shaakh talay
Her parday her deevaar talay
Her khirki mein darvaazay mein
Her aatay jaatay rastay per
Her toli mein her dastay mein
Aye dost jahaan tak jaao ge
Tum mera chehra paao ge
Aye saathi dekho aik dafa
Tum apnay mann ka raaz to do
Main dil se tumhaari mukhlis hoon
Tum aik dafa aavaaz to do

~ Unknown

zeena = staircase
manzil = destination
pair = tree
talay = under
shaakh = branch
toli = group (informal - usually refers to a group of close friends)
dasta = group of people (usually used in reference to army)
mann = self
mukhlis = sincere