Is blog ko chand saal pehlay Amjad Islam Amjad ki nazam, "tulu-e-shams-e-mufarqat hai" se shuru kiya tha, jab ammi se bicharnay ka dard apnay urooj per tha. Aisay main kitnay he dard alfaaz ka roop dhaal ker idher muntaqil hotay rahay, kitni khahishain hasratain ban ker safhay pe safha kaala karti raheen... meri umr ka aik bohot bara aur gehra hissa is blog mein hai. Meray tamaam aansoo idher hain.
Aur aaj mujhay aap sab ko yeh bataatay huay bohot khushi ho rahi hai keh meray tamaam dukhon ka madava Khuda ne aik behadd acchay shakhs ko bhej kar kar diya hai. Ab shayed is blog pe khushiyon se bharpoor shairi ke ilava aur kuch bhi na ho, kiyoonkeh main zindagi ki bohot piyari kefiyaat se guzar rahi hoon, apnay maseeha ko apna mohsin mantay huay, un ki sangat mein raah ke tamaam phool chuntay huay aik nayee dunia aabaad karnay jaa rahi hoon.
Hamain apni naik duaaon mein zaroor yaad rakkhiye ga keh in se anmol aur kuch bhi nahin hota.
~A
11 comments:
many many heartiest congratulations ambreen....Allah ap dono ko zindagi ki har rah main aitamaad or pyaar bharay lamhaat ata karay....ameen....may u be blessed wiyh every happiness of life ever after...ameen
U got married ??? Mashallah , bohat bohat mubarik ho aap ko .. khuda aap dono ko hamesha khus o khurram rakhay aur aap k daman main tamam khusiyan bhar de ......
Happy for you!!
Ab shayed is blog pe khushiyon se bharpoor shairi ke ilava aur kuch bhi na ho, kiyoonkeh main zindagi ki bohot piyari kefiyaat se guzar rahi hoon, apnay maseeha ko apna mohsin mantay huay, un ki sangat mein raah ke tamaam phool chuntay huay aik nayee dunia aabaad karnay jaa rahi hoon. (Loved this part)
@ Rida: Thank you :)
@ Abid: Not married yet. Got engaged today al-Hamdulillah.
Mashallah .... Mabrook!!
Bohot shukriya
Bht bht mubarak ho Ambareen Ji . Allah Talah apko hamesha bht khush rakhay .Aap yunhi hansti muskarati rahain . Ameen
JizakAllah behna.
I wısh and pray for you for a happy marrıed lıfe. All the best ın lıfe. May he keep you very happy, today and always. And I love your blog btw. Keep ıt up and update regularly ;)
Thanks a lot. Thanks for this wonderful gesture. It really touched my heart.
ALLAH apko bohat pyari achi or khusgawar or Apni raza se bhari hui zindagi ata farmaye or akhirat me bhi ap ko kamyabian ata frmaye. Ameen !
Summ Ameen.
JizakAllah
:)
Post a Comment