Naye kapray badal ker jaaoon kahaan aur baal banaoon kis ke liye
Vo shakhs to shehr he chor gaya ab khaak uraaoon kis ke liye
Jis dhoop ki dil ko thandak thee vo dhoop usi k saath gayee
In jalti bujhti galiyon main ab khaak uraaoon kis ke liye
Vo shehr main tha to us ke liye auron se milna parta tha
Ab aisay vesay logon ke main naaz uthaaoon kis ke liye
Ab shehr main us ka badl he nahin koi vesa jaan-e-ghazal he nahin
Aivaan-e-ghazal main lafzon ke guldaan sajaoon kis k liye
Muddat se koi aaya na gaya sunsaan pari hai ghar ki fiza
In khaali kamron main Nasir ab shama jalaaoon kis ke liye
~Nasir Kazmi
No comments:
Post a Comment