Khud-daariyo.n ke khoon ko arzaa.n na kar sakay
Hum apnay jauharo.n ko numaayaa.n na kar sakay
Ho kar kharaab-e-mae teray gham to bhula diye
Lekin gham-e-hayaat ka darmaa.n na kar sakay
Tootaa talism-e-ehd-e-muhabbat kuch is tarah
Phir aarzu ki shama ferozaa.n na kar sakay
Her shay qareeb aa ke kashish apni kho gayee
Vo bhi ilaaj-e-shauq-e-gurezaa.n na kar sakay
Kis darjaa dil-shikan thay muhabbat ke haadsay
Hum zindagi main phir koi armaa.n na kar sakay
Maayoosiyo.n ne cheen liye dil ke valvalay
Vo bhi nishaat-e-rooh ka saamaa.n na kar sakay
1 comment:
Hd porn videos shot in 4k quality and 5k quality youporn 5k quality newly opened porn sex
Post a Comment