Kis se koi gilay karay apnay
Qurbatain apni faaslay apnay
Gardishon main hai daur-e-jaam un ka
Toot.tay he nahin nashay apnay
Her qadam gumrahi ka khadsha hai
Itnay seedhay hain raastay apnay
Kiya karain aye nishaat-e-sang_zani
Chehray apnay hain aainay apnay
Paaoon ke aablay yeh poochtay hain
Kis musaafat main din katay apnay
Is ibaadat ko kaun samjhay ga
Kis ne dekhay hain ratjagay apnay
Khud he Farigh sajaaye vo maqtal
Kut rahay hain jahaan galay apnay
~Farigh Bukhari
1 comment:
You're most welcome. I'm actually quite impressed by his poetry. I posted one of his poems earlier, titled 'Yaadon Ki Zanjeer'. If you ever come across his book of poems named 'Khushbu ka Safar', do give it a read. I guarantee you it'll be worth your time.
Post a Comment