Tiray karam ne mujhay kar liya qubool magar
Miray junoo.n se muhabbat ka haq ada na hua
Tiray ghamon ne miray her nishaat ko samjha
Mira nishaat tiray gham se aashna na hua
Kahaan kahaan na miray paaoon larkharaaye magar
Tira sabaat ajab tha keh haadsa na hua
Tira karam ghata bhi to bepanaah raha
Mira sulook barha bhi to munsifaana raha
Tiray dukhon ne pukaara to main qareeb na tha
Miray ghamon ne sada dee to faasla na hua
~Mustafa Zaidi
No comments:
Post a Comment