Din raat barasta ho jo baadal nahin dekha
Aankhon ki tarah koi bhi baadal nahin dekha
Kiyoon log yahaan detay hain rishton ki duhaayee
Is paer se hum ne to kabhi phal nahin dekha
Paer = darakht = tree
Insaan darindon ki tarah ghoom rahay hain
Shehron ki tarha koi bhi jungle nahin dekha
Tum ne meri aankhon ke qaseeday to likkhay hain
Lekin mera behta hua kaajal nahin dekha
Us ne bhi kabhi neend se rishta nahin rakkha
Main ne bhi koi khaab mukammal nahin dekha
~Anjum Rehber
1 comment:
Nice one! I'm not a 100% sure if she is from India though.
I'm glad you liked the poem.
Post a Comment