Na ganvaao naavak-e-neem kash, dil-e-reza reza ganva diya
Jo bachay hain sang samet lo, tan-e-daagh daagh luta diya
Meray chaaragar ko naveed ho, saf-e-dushmanaa.n ko khabar karo
Vo jo qarz rakhtay thay jaan per, vo hisaab aaj chuka diya
Karo kaj jabee.n per sar-e-kafan, meray qaatilon ko gumaa.n na ho
Keh ghuroor-e-ishq ka baankpan, pas-e-marg hum ne bhula diya
Udher aik harf ki kushtani, idher laakh uzr thay guftani
Jo kaha to sun ke ura diya, jo likha to parh ke mita diya
Jo rukay to koh-e-giraan thay hum jo chalay to jaa.n se guzar gaye
Rah-e-yaar hum ne qadam qadam, tujhay yaadgaar bana diya
~Faiz Ahmed Faiz
1 comment:
I'm glad you liked the poem and JizakAllah for the dua. Vo lori bus aik din jazbaat main aa ker idher rakh di thee. It's still on youtube if you want to listen to it again.
Post a Comment