Phir oat le ke daaman-e-abr-e-bahaar ki
Dil ko manaayen hum, kabhi aansu bahaayen hum
Suljhaayen be-dili se ye uljhay huay savaal
Vaa.n jaayen ya na jaayen, na jaayen keh jaayen hum
Phir dil ko paas-e-zabt ki talqeen kar chukay
Aur imtihaan-e-zabt se phir jee churaayen hum
Aao keh aaj khatm hui daastaan-e-ishq
Ab khatm-e-aashqi ke fasaanay sunaayen hum
~Faiz Ahmed Faiz
No comments:
Post a Comment