Us ke nazdeek gham-e-tark-e-vafa kuch bhi nahin
Mutmain aisa hai vo jesay hua kuch bhi nahin
Ab to haathon se lakeerain bhi miti jaati hain
Us ko kho ker to meray paas raha kuch bhi nahin
Kal bicharrna hai to phir ehd-e-vafa soch ke baandh
Abhi aaghaaz-e-muhabbat hai gaya kuch bhi nahin
Main to is vaastay chup hoon keh tamaasha na banay
Tu samajhta hai mujhay tujh se gila kuch bhi nahin
Chaar din reh gaye mailay mein magar ab ke bhi
Us nay aanay ke liye khat mein likha kuch bhi nahin
Aye Shumaar aankhain isi tarha bichaaye rakhna
Jaanay kis vaqt vo aa jaaye, pata kuch bhi nahin
~Akhtar Shumaar
12 comments:
usay kehna
gilay unhi say hotay hain
jo dil k paas hotay hain
shikayat unse hoti hay
jo behad khas hotay hain
mera tujse gila karna
tumhain yunhi khafa karna
teri taaeed k badlay jifa karna
mohabat ki alaamat hay
ye ulfat ki alamat hay
isay jifa na samjhna
mohabat main kabhi hargiz
isay dil per nahi lena
usay kehna mohabat ki tawaqu unse hoti hay
k jiss say aas hoti hay
gilay unhi say hotay hain
jo dil k paas hotay hain
...............
Very nice. Thanks for sharing =)
Glad you liked it and thanks for completing it. Check the first misra of the first sher you posted in your comment... isn't there something missing there?
Nice Poem ..
Here's a Sher from my side ..
Koi aisa Ism-e-Azeem ho
Mujhe terey dhukh se nijaat de ..!!
@Raheem: Bohot shukriya.
@Abid: Long time no see. Nice sher :)
Nice :)
Raheem : is it so ??
There's nothing to *MIND* man .. if u have the seperate versions of both poems please do post 'em ..
Thanks for correcting me :)
Thankxx ...
beautiful lines💘💘💘
Bohot khoob 👏👏👏
nice poetry- my two bits
Duniya main jub dil lagatay hain
aur duniya dhoka daiti hai
tu youn mensos hota hai
kay ab tu bacaha kuch bhi nahi
kub samjhay ga insaan
kay ye mata e ghuror hai
duniya dhokay kay saman
kay siwa kuch bhi nahi
Post a Comment